Úr 375,00 kr. við MVG
Bílegg brævbjálvar við prenti beinleiðis her. Tú kanst sniðgeva brævbjálvarnar sjálv/sjálvur ella senda okkum eina prentklára fíl.
Tonito er einasta virkið í Føroyum sum framleiðir brævbjálvar. Omanfyri hevur tú møguleika at bíleggja brævbjálvar við prenti, har tú kanst sniðgeva sjálv/ur ella senda okkum eina prentklára fíl. Eisini hava vit møguleika til at sniðgeva brævbjálvarnar fyri teg. Tonito hevur drúgvar royndir innanfyri brævbjálvavinnuna og tískil eru vit altíð klár at hjálpa tá tað snýr seg um brævbjálvar.
Um tú ynskir at sniðgeva ein brævbjálva, kanst tú trýsta á knøttin Sniðgev. Vit viðmæla at nýta Chrome ella Safari browsaran. Um tú hevur trupulleikar ella spurningar, so ert tú vælkomin at seta teg í samband við okkum.
Goym snið
Um tú ynskir at goyma títt snið og venda aftur seinni, so viðmæla vit at tú javnan tekur Backup av sniðinum, helst um tú ætlar at venda aftur seinni. Hetta kanst tú gera við at trýsta á Snið > Goym snið. Hetta gevur tær eina backup fíl, sum tú kanst uploada við at trýsta á Snið > Uploada Design.
Skapilónir
Fá íblástur við at velja eina skapilón, sum tú kanst laga til eftir tínum tørvi.
Trygdarlinja og skerilinja
Til sniðgeving á heimasíðuni síggjast 2 hjálpilinjur framvið kantinum.
Grøna linjan: Trygdarlinja
Hav tekst og grafik innanfyri hesa linjuna, fyri at tryggja at tað ikki verður avskorið.
Reyða linjan: Skeri-linja
Skerilinjan vísur, hvar vit skera vøruna. Fyri at fáa prent út til kant, skal tú leggja bakgrundina 3 mm útum skerilinjuna (reyðu linjuna).
Um tú hevur eina prentklára fíl og ynskir at gera eina bílegging, so kanst tú velja Viðfest prentklára fíl undir teiginum Prentfíl. Síðani fært tú viðfest fíluna (PDF).
Prentklárar fílir skulu viðfestast í somu stødd sum brævbjálvin. Les meira undir teiginum Stødd
Rættingar / Endurskoðan
Eftir vit hava móttikið tína bílegging uppá sniðgeving frá okkum, hyggja vit tilfarið ígjøgnum fyri at tryggja at góðskan er í lagið. Um vit mangla tilfar ella hava nøkur ivamál, so seta vit okkum í samband við tygum sum skjótast.
Tá vit hava sett fíluna upp, senda vit tær ein teldupost við einum uppskoti. Fyrsta rættingarumfar er íroknað grund prísinum fyri sniðgeving (750 DKK v/mvg).
Um øll rættingarumfør eru brúkt og tú ynskir fleiri rættingar, kemur ein eykakostnaður á 500 DKK v/mvg fyri hvørt komandi rættingarumfar. Hesin eykakostnaður verður goldin ígjøgnum eina nýggja rokning, sum vit senda til tygara teldupost.
Veitingartíð fyri sniðgeving
Vanlig veitingartíð fyri fyrsta uppskot er innan 2-4 arbeiðsdagar. Veitingartíð fyri rættingar er innan 1-2 arbeiðsdagar.
Brævbjálvarnir verða prentaðir í støddunum: M5: 220×155 mm, C5: 229×162 mm, C4P: 229×324 mm
Prent út til kant kann bert prentast á 3 síður, tvs. vinstru síðu, høgru síðu og á botnin. Fyri at fáa prent út til kant er umráðandi at hava 3 mm bleed.
Endalig stødd: 220 x 155 mm (Við afturlatnum klaffi)
Endalig stødd við uppstandandi klaffi: 220 x 191 mm
Stødd á prentklárari fíl uttan Bleed: 220 x 191 mm
Stødd á prentklárari fíl við Bleed: 226 x 197 mm
Endalig stødd: 229 x 162 mm (Við afturlatnum klaffi)
Endalig stødd við uppstandandi klaffi: 229 x 195 mm
Stødd á prentklárari fíl uttan Bleed: 229 x 195 mm
Stødd á prentklárari fíl við Bleed: 235 x 201 mm
Endalig stødd: 229 x 324 mm (Við afturlatnum klaffi)
Endalig stødd við uppstandandi klaffa: 229 x 368 mm
Stødd á prentklárari fíl uttan Bleed: 229 x 368 mm
Stødd á prentklárari fíl við Bleed: 235 x 374 mm
Nøkur góð ráð í sambandi við goymslu av brævbjálvum. Ger eftir hesi vegleiðing, og tú fært gleði av øllum tínum brævbjálvum!
Soleiðis goymir tú brævbjálvar best:
TURT, SVALLIGT, MYRKT og DUSTLEYST
TURT: Brævbjálvar goymast best við eini luftvætu millum 50% og 55%. Verða brævbjálvarnir goymdir í meiri luftvætu, oyðilegst límið, og brævbjálvarnir gerast skeivir.
SVALLIGT: Tað er best at goyma brævbjálvarnar í 10°-20° hitastigum.
Verða sjálvlímandi brævbjálvarnir lagdir nærhendis eini varmakeldu, t.d. einum radiatori, tornar límið.
MYRKT: Klistrievnið hjá brævbjálvunum oyðilegst, um teir verða lagdir í dagsljós. Serliga teir sjálvlímandi brævbjálvarnir eiga ongantíð at koma í beinleiðis sólarljós.
DUSTLEYS: Dust og onnur luftdálking oyðileggur límið á brævbjálvunum.
Brævbjálvar goymast best í upprunapakkanum, sum er serliga framleiddur til at verja brævbjálvarnar ímóti ávirkan uttanífrá.
Tað er best bert at taka teir brævbjálvar fram, sum skulu brúkast í einum stytri tiðarskeiði, lata restina vera verandi í eskjuni og lata eskjuna aftur. Eskjan má ikki standa opin.
Vakrir og kreativt framleiddir brævbjálvar eru ein góð reklama fyri avsendaran, soleiðis at tín brævbjálvi sæst betur enn allir aðrir í postkassanum hjá móttakaranum.
Lýsing á baksíðuni
Hevur tú nakrantíð hugsað, at besta staðið at hava eina góða lýsing er á baksíðuni á brævbjálvanum?
Sjálvandi sær móttakarin forsíðuna á bjálvanum fyrst (fyri at vita, um hann er rætti móttakari), men tú brúkar nógv, nógv longri tíð til baksíðuna! Tí tað er her, tú skalt lata brævbjálvan upp, antin við pappírsknívi, teskeið ella við tumlinum.
Og tí gevur ein lýsing, ið er prentað á baksíðuna, heilt víst gott úrslit!
Ein prentklár fíl er ein fíl, ið hevur rættu støddina á prentlutinum, skerimerkir og 3 mm bleed. Mest brúkta fíl format er .pdf. Í summum førum er møguligt at viðfesta fílir sum t.d. .ai, .psd, .eps, .jpg.
Brævbjálvar
Kort
Kort
Gávur
Brævbjálvar
Brævbjálvar
Vanligir prentlutir
Brævbjálvar
